/ / Обама кибер аюулгүй байдалд 14 тэрбум ам.доллар зарцуулахыг хүсэв

Обама кибер аюулгүй байдалд 14 тэрбум ам.доллар зарцуулахыг хүсэв

     

      АНУ-ын Ерөнхийлөгч Барак Обама 2016 оны төсвийг төслийг танилцууллаа. Энэ төслийн онцлог зүйл нь кибер аюулгүй байдалд төсөвлөгдсөн мөнгөн дүн 14 тэрбум ам.доллар болж өссөн байдал юм.

       АНУ-ын төсвийн зарцуулалтын гол хүчин зүйлүүдийн нэг бол мэдээллийн технологи юм. Үүний баталгаа бол энэ салбарын жил болгоны төсөвлөгдөж байгаа мөнгөн дүн өсч байгаа юм. Хэрвээ 2013 онд 10,3 тэрбум ам.доллар, жилийн дараа энэ дүн 12,5 тэрбум төсөвлөгдөж байсан бол одоо 14 тэрбум ам.доллар болж өссөн байна.

    Энэ мөнгийг кибер халдлагыг илрүүлэх, таслан зогсоох арга хэмжээ авах, төрийн болон хувийн компаниудын хооронд халдлагуудын талаарх мэдээлэл солилцох систем бий болгох болон бусад улс орнуудтай мэдээлэл солилцох үйл хэрэгт зарцуулагдах юм байна.

    Хөрөнгө оруулалтын тал дээр хэд хэдэн программ хангамжийг дэмжихээр болсон ба тэр дундаа мониторинг болон компьютерийн сүлжээний оношлогооны программууд байгаа юм. Нэмж хэлэхэд 116 сая ам. долларыг эрчим хүчний яамны цөмийн хамгаалалтын үндэсний төвийн мэдээллийн аюулгүй байдалд зарцуулагдах юм байна. Харин мэдээллийн аюулгүй байдалд Пентагоноос төсөвлөсөн тусгай зүйл анги байдаг ба энэ дүн нь 5,5 тэрбум ам. доллар байна.

         Б.Обамагийн энэхүү төслийг Конгресс хэлэлцэж батласны дараа хүчин төгөлдөр болох юм.

 

СЭТГЭГДЭЛҮҮД :

Сэтгэгдэл үлдээгээгүй байна

Энд дарж зурган кодыг шинэчилнэ үү
Статистик мэдээ
  • 2014-10-19
Эрэн сурвалжилж байна